可能係全世界最細既地城-

類型： 地城，合作，骰子
人數： 1-2 (3-4 兩副)
上手難度: ★☆☆☆☆
性價比: ★★★★☆
口味: ★★☆☆☆
文字量: ★★☆☆☆
遊戲長度: 30-45min
遊戲性: ★★★☆☆
個人期望: ★★★☆☆
背景主題: 地城，各職英雄
價錢: 20USD (~160HKD)
運費: 不直送香港
預計到貨日期: 2016年9月
現階段集資額: 20K （已成功集資）
集資到期日: 6月10日
賣點: 簡單易學，一卡多用，迷你
KS 網址:
https://www.kickstarter.com/pr…/asmadigames/one-deck-dungeon

遊戲簡介:
勇者們，出黎啦！有一個三層深地城岩岩出現左，入面除左有怪物，陷阱之外。重有道具，經驗值，藥水，技能等緊你。唔好睇少呢個地城，越落到底就越危險！究竟你地可以去到幾遠呢？

One Deck Dungeon其實係一隻入地城殺怪打Boss 既Game ，一個人或兩人合作都可以。地城Game 市面上有好多，咁呢隻有乜特別？就係佢只有一副卡(53張)同埋30粒骰，小小TOKEN 既遊戲。以咁少既配件就可以有齊打寶，升LV，學技，打王，等等體驗既遊戲。真係等等下車同發覺有個地城係附近！係唔係值得睇下先？

遊戲特點：
－方便輕巧，配件少。
－易學。遊戲時間短。
－升級打怪乜都齊。

遊戲配件(Base Game):
44張怪獸，陷阱卡
4張大佬卡
4張升LV卡
1張樓梯卡
4張英雄卡 (SG會UNLOCK 5)
15個傷害指示物
8個藥水指示物
30粒骰 共4種顏色

遊戲玩法:
每個職業都有唔同屬性，每一點屬性代表你戰鬥時可以擲既骰子數量。

玩家需要消耗未探索的怪獸卡當作"時間"去探險。一開始會有4扇門，你要花"時間"探索門的內容，決定迎戰或是逃走。當有怪物給清理後，由於沒有填滿4扇門，你亦都需要花"時間"去尋找門，再繼續旅程。

戰鬥時，每隻怪及Dungeon 卡都有不同既攻擊力同技能(格格)，格格有顏色同數子，代表要抵擋佢既技能。只要你有相對顏色既技能骰字及數字大過等於格字，就可以填補格字，減低受到既傷害。如果你無相對顏色既骰子，你都可以用任何兩粒顏色合拼取最低數子去抵擋攻擊。只要你頂得住唔死，咁戰鬥就會嬴，你可以將怪獸變為技能，裝備，經驗值，甚至藥水都可以。

除左你屬性能力攻擊外，當然你重有技能，技能可能係你職業本身，或者係打怪學習。分類有基本技能，魔法技能，天賦技能，藥水技能。

如果將怪物當經驗值升級，你可以增加裝備既數量同埋技能既數量，而且升級時，重會送你一支藥水。
怪獸卡最底個張就係樓梯卡，當你跳落下一層時，怪獸既能力就會提升，有額外技能，直到你去到第三層最後，就會將Dungeon 卡翻轉，決戰大佬。

大佬其實都係大同小異既戰鬥，主要係有血量，而唔係單單頂得住就得。每次用骰子覆蓋骷髏標示，就可以扣一點血，幾回合後扣乾就會得到最後勝利。

雖然遊戲都有得計分，不過主要都係睇下通關成唔成功。

4人遊戲：
每次打怪時會出現2只怪，4人分2組各打1只怪。打大佬會時同時召喚2隻怪，變成4 V 3的局面。

個人評價:
簡單既地城遊戲，適合旅行等車，坐飛機玩的一類遊戲。消磨時間。
雖然美術真係好有進步空間，但遊戲內容足以撘救。以住既地城遊戲都係大大副，今次充份使用每張卡既各個地方，真係麻雀雖小，五臟俱全。
雖然遊戲主要擲骰為主，不過遊戲不是競賽，爛骰都可以接受。重玩性當然不是能夠玩一百幾千鋪，但作為暖身，中場遊戲未嘗不可。

SG 方面最頂有第5位英雄，以現階段來說集資情況未見樂觀。相信主要原因係限制於能夠購買既地區問題。KS 貴一倍的選項係將卡變到防水，個人認為未必要。遊戲支援3-4人，需要2副卡牌。4人有期獨特遊戲性，變化會更多，相對遊戲時間更長。

遊戲沒有選項寄到香港，如果想買，可以考慮美國集運。或等待零售版/代購出現。

遊戲創作人其實好有心思，同時間創作遊戲音樂讓玩家更加投入，可惜美工真係欠逢。個人雖然覺得遊戲唔錯，但因為game group問題未必太適合我。相反”如果”佢出係apps game，免卻左擲骰抽牌，岩晒我呢d懶鬼，我反而會下載黎一個人玩下。

注意事項:
香港未能直接經集資購買。但相信會有零售版。

Rule Book , Print and Play :
http://asmadigames.com/ODD_PnP.pdf

‪#‎bgkshk‬ ‪#‎kickstarter‬ ‪#‎boardgame‬